Президент Алмазбек Атамбаев парламент депутаттарына премьер-министрдин өкмөт мүчөлөрүн кызматтан бошотуусуна мүмкүндүк берген Конституцияга өзгөртүүлөрдү киргизүүнү сунуштады.
Өлкө башчысы Алмазбек Атамбаев премьер-министрге министрлерди ээлеген кызматтарынан бошотуу ыйгарым укуктарын берүүнү сунуштады.
Мындай сунушту президенттин аппараты парламенттин кароосуна 11-апрелде жөнөттү. Атамбаев Конституциянын «Кыргыз Республикасынын Өкмөтү тууралуу» мыйзамындагы боштуктар премьер-министрдин өкмөт мүчөлөрүн кызматтан бошотуу тууралуу президентке сунуш берүүсүн «негизсиз» чектеп жатат деп эсептейт.
Документ премьер-министр Темир Сариев менен транспорт жана байланыш министри Аргынбек Малабаевдин ортосундагы жаңжалдын фонунда парламентке жөнөтүлдү. Чиновниктер Балыкчы-Корумду унаа жолун оңдоо боюнча өткөрүлгөн тендердеги коррупциялык схемаларга бири-бирин айыптап жатышат.
Сариев президенттин аппаратына Малабаевди кызматтан бошотууну сунуштаган, бирок анын өтүнүчү канааттандырылган эмес.