Кыргыз мамлекеттик тарых музейи өлкө эгемендүүлүк алгандан бери азыркы имаратта кызмат көрсөтүп келүүдө. Ага чейин ал эки жолу жер которгон. Kloop.kgнин кабарчылары музейден репортаж даярдап келишкен.
Кыргыз Республикасынын мамлекеттик тарых музейи 1925-жылы түптөлгөн. Ал кезде үй музейи болуп турган. Музейдин эң биринчи директору Саул Абрамзон болгон.
Бул музей Борбордук Азиядагы ири музейлердин бири болуп эсептелет. “Анткени 135 миңден ашык экспонатыбыз бар”, - дейт музейдин баяндамачысы Элдияр Таалайбек уулу.
Музей баяндамачысынын айтымында, маданий борборго жылына орто эсеп менен 100 миңдин тегерегинде зыяратчы келет.
Тарых музейинде байыркы доордон XX кылымдын аягына чейинки Кыргызстандын аймагында жашап өткөн жана кыргыз элине тиешелүү материалдык-маданий мурастары менен таанышууга болот.
Маданий борбор дүйшөмбүдөн башка күндөрү зыяратчыларга эрте мененки тогуздан кечки саат бешке чейин ачык.
Баасы
Чоңдорго 30 сом
Студенттерге 15 сом
Окуучуларга 10 сом
Мектепке чейинки жаштагыларга 5 сом
Чет элдик жарандарга 150 сом
Чет элдик студенттерге 75 сом
Авторлор: Айназик Бообекова, Самара Рыскелди кызы