Марттын аягында жааган кар кыргызстандыктар үчүн күтүүсүз болду — жолдор менен жээктери музга айланып, ашууларда кардуу шамалдар болду. Kloop.kgнин кабарчысы Эльдор Далиев ал күндөрү гүлдөп баштаган өрүк бактарын сүрөткө тарткан.
Кыргызстандын Айыл чарба жана мелиорация министрлигинин маалыматы боюнча, азырынча өрүктүн мөмөлөрүнүн үшүп кеткендиги тууралуу айтууга эрте.
Айыл чарба министрлигинен мекеменин эксперттери өрүктөрдү канчалык деңгээлде үшүк чалгандыгын кар ээригенден кийин текшере тургандыктарын билдиришти.
2015-жылдын март айынын аягы 62 жылдан берки марттын эң суук күндөрү болду — ал күндөрү термометрдин көрсөткүчү -9 градуска чейин төмөн түштү. Өзгөчө кырдаалдар министрлиги менен «Кыргызгидрометборбору» мындай аба ырайын «аномалдуу» деп аташты.
Орусиялык багбандардын «Сибирь бакчалары» сайтындагы маалыматка ылайык, Борбордук Азиядагы өрүктөрдүн мөмөлөрү суукка анча чыдамдуу эмес жана -10 градуста эле үшүп кетет.
«Брокгауз менен Ефрондун энциклопедиялык сөздүгү» боюнча, өрүктөр Борбор Азияга биздин заманга чейинки 5-кылымда алынып келинген.
Автор: Эльдор Далиев
