Кыргыз тилиндеги “Баластан” журналынын биринчи саны үстүбүздөгү жылдын ноябрында чыкты. Түстүү журнал 6-12 жаштагы балдарга арналат.
Журналдын башкы редактору Жаныбек Абидетегиндин Kloop.kgге билдиришинче, “Баластандын” үстүндө алар эки жылдай убакыт иштешкен.
Абидетегин журналдын негизги өзгөчөлүктөрүнүн бирине төмөнкүчө токтолду.
“[...] Бир айырмачылыгы жалаң кыргыз тилинде жазылат, анткени учурда кыргыз тилинде чыккан журналдар жокко эсе”, - деп эсептейт ал.
“Баластан” 1-6-класстын окуучуларына арналган жана 32 беттен турат.
Анда аңгемелер, икаялар, оюндар, баш катырма суроолор, жаш балдарга арналган комикстер жана таланттуу балдардын өмүр баяндары камтылган.
Балдарды окууга үндөгөн, тарбиялык маанидеги, маазмуну жагынан окурманды кызыктырган журнал экендигин байкоого болот.
“Журналдын ээси жети-сегиз жылдан бери иштеп келе жаткан тажрыйбалуу “Дил азык” басма үйү болгондуктан каражат жагынан кыйынчылыктар болсо да, редакциянын [“Баластандын”] ишмердүүлүгүнө таасир этпейт”, - деген оюн билдирди журналдын башкы редактору Жаныбек Абидетегин.
Журнал эки айда бир чыгарылып турат. Бир жылдык жазылуу баасы 500 сом.
the best essay writing service