Тарыхый фехтование фестивалы Бишкекте 26-октябрда өтүп, бул спорттун 100дөн ашык күйөрмандарын чогултту. Иш-чаранын алкагында Бишкек жана Алматы клубдарынын ортосунда орто кылым салгылашуулары болду.
Катышуучулар орто кылымдагы курал-жарактарды — кылыч, ай балта, чокмор, соот-шаймандар жана калкандарды колдонуу менен болгон күчү менен, чындап салгылашышты, деп ишендирди көрүүчүлөрдү иш-чаранын алып баруучусу.
Анын айтымында, курал-жарактар 30 килограммга жакын салмакта болот.
Салгылаштын катышуучуларынын курал-жарактары заманбап материалдардан жасалган орто кылымдагы рыцарлардын реконструкциясы болуп эсептелет.
Калкандар, мисалы, бири-бирине чапталган фанералардан жасалат.
Фестивалдын уюштуруучусу Николай Потрясов Kloop.kgге фестиваль быйыл үчүнчү жолу өтүп жатканын жана мындан ары да жыл сайын өткөрүлө тургандыгын айтты.
«Мунун бардыгы тарыхый орто кылым салгылашы деп аталат. Аны биз жыл сайын өткөрөбүз, анан өнүктүрөбүз, анткени бул эл аралык мелдеш болот. Бул азыр деле эл аралык мелдеш, бирок эмдиги жылы беш өлкөнү чакырууга ниеттенип жатабыз», — деди ал.
Тарыхый орто кылым салгылашуусу — катышуучулары орто кылымдагы курал-жарактар менен куралданышып, өз ара салгылшкан спорттун түрү.
Тарыхый орто кылым салгылашуусу тарыхый реконструкциялардын бир бөлүгү болуп эсептелет; салгылаштар болгон күчтө, чындап өтөт да, жыйынтыгына профессионалдуу калыстар баа беришет.
Автор: Света Зеленская