ЛГБТ коомчулугунун укуктарын коргоо боюнча «Лабрис» уюму «гей пропагандага каршы» мыйзам долбоорунун кабыл алынышына каршы эл аралык флэшмоб уюштурган. Ал мыйзам чыгаруучу акт 15-октябрда кыргыз парламенти тарабынан биринчи окууда кабыл алынган.
Уюмдун билдирүүсүнө ылайык, акциянын максаты «Кыргызстандын парламентинин басмырлоочу демилгелерине улуттук жана эл аралык коомчулуктун көңүлүн буруу».
Флэшмоб «салттуу эмес сексуалдык мамилелерге карата жакшы пикир калыптандыруу» үчүн кылмыш жоопкерчилигине тартууну сунуштаган мыйзам долбоордун парламентте каралып жатышынын фонунда өтүүдө.
Ал мыйзам долбоору 15-октябрда кыргыз парламенти тарабынан көпчүлүк добуш менен биринчи окууда кабыл алынган — документтин кабыл алынышы үчүн 86 депутаттын 79у добуш беришкен.
Акция интернетте #supportLGBTkg хэштегинин алдында өтүүдө.
