«Offroad Kings» клубунун кубогу үчүн жарыштар 13-апрель күнү Озерный айылындагы аянтта болуп өттү. Айдоочулар үч топто катышышты — атайын даярдалган унаалар, сериялуу унаалар жана квадроциклдер.
Бишкектин унаа жарыштарын сүйгөн жашоочулары беш жылдан бери борбордун түндүк тарабындагы Озерный айылындагы аянтка чогулуп келишет.
Кыргызстанда чыныгы жарыш жолдорунун жоктугун эске алсак, жолсуз жарыштар — азыр автоспорттун өлкөдө өнүгүп жаткан жалгыз түрү.
Кээ бирде башка жолдордун пайдаланылганы менен жарыштардын көбү Озерныйдын жанындагы дал ушул аянтта өтөт.
Жыл сайын катышуучулар сыяктуу эле унаалардын да топтору көбөйүп жатат.
2014-жылы катышуучулар үч топто жарышка түшүштү. Унаалардын арасындагы эң престиждүү топ — бул «спорт», анда атайын жарышка даярдалган унаалар катышышат.
Эгер айдоочу анча даярдалбаган сериялуу унаа менен катышкысы келсе, анда ал «туризм» тобуна каттала алат.
Жарыштарга катышуу үчүн коюлган башкы талап — бул унаанын төрт дөңгөлөгүнүн тең айланып иштөөсү.
Андан сырткары квадроциклдер үчүн дагы эки топ бар.
Негизинен жарышка джиптер катышышты. 13-апрелде өткөн жарышка катышкандардын бири кичи автобусун айдап чыкты. Бирок чынында биринчи эле көлчүктө тыгылып калды.
Жарыштар үчүн жолдорду бир апта эрте даярдашат. Бирок жарыш күнү аба-ырайынын кандай болоорун эч ким алдын ала айта албайт.
13-апрелде өткөн жарыш азырынча мындай мелдештерди уюштуруп келген өлкөдөгү эң ири клуб болуп эсептелген «Offroad Kingsтин» беш жылдыгына арналды.
Автор: Виталий Белошапкин